«РИС һәм МПҮ» ДАССОның хезмәткәрләре «Ел табибы – Ак чәчәкләр 2021» тантаналы церемониясендә

2021 елның 19 июне, шимбә

Сәламәтлек алып булмый, аны бары тик сәламәтлек саклау системасы һәм биредә эшләүче кешеләр ярдәмендә генә саклап калырга мөмкин. Татарстан Республикасы Президенты Рөстәм Миңнеханов «Ел табибы –Ак чәчәкләр» конкурсында җиңүчеләрне бүләкләү тантанасында шундый сүзләрдән башлады. Бүләкләү тантанасы «Казан Экспо» ХКҮ мәйданчыгында узды.

2021 елның иң яхшы медицина хезмәткәре исеменә Республика клиник йогышлы авырулар хастаханәсенең өлкән шәфкать туташы, республиканың атказанган сәламәтлек саклау хезмәткәре Зөлфия Галиәхмәтова лаек булды.

2021 елда «Ел табибы - Ак чәчәкләр» конкурсында Беренчел звеноның иң яхшы табибы-көндезге стационар мөдире, участок терапевты, Яр Чаллының Сугыш ветераннары өчен госпиталь гериатры, Яр Чаллының баш штаттан тыш гериатры Фәридә Шәрифуллина булды.

2021 елда «Сәламәтлек саклау легендасы»  итеп БРКХ ветераннар советы рәисе, Татарстанның һәм Россия Федерациясенең атказанган табибы Дамира Садыйк кызы Галеева сайланды.

«Ел табибы» номинациясендә Татарстан сәламәтлек саклау министрлыгының терапия буенча баш штаттан тыш белгече, РКХнең терапия клиникасы шефы, Казан медицина университетының госпиталь терапиясе кафедрасы мөдире, ТР атказанган табибы, медицина фәннәре докторы һәм профессор Диана Габделганиев җиңү яулады. «Ел табибы» номинациясендә җиңүчегә конкурс дипломын Татарстан Президенты Рөстәм Миңнеханов тапшырды.

Шул исәптән, Татарстан Президенты махсус приз - «Лада Гранта»автомобиле алучыны атады. Быел махсус призны Әгерҗе үзәк район хастаханәсенең Ашыгыч медицина ярдәме бүлеге өлкән фельдшеры Симакова Гөлфия Фәрди кызына тапшырдылар.

Барлык җиңүчеләрне һәм конкурста катнашучыларны котлыйбыз, нык сәламәтлек, гаилә иминлеге һәм яңа җиңүләр телибез!

Чыганак: ТР сәламәтлек саклау министрлыгы