«Татар-информ» мәгълүмат агентлыгында Бөтендөнья туберкулез белән көрәшү көне турында сөйләделәр
«Татар-информ» мәгълүмат агентлыгында Бөтендөнья туберкулез белән көрәш көненә багышланган матбугат конференциясе узды. Журналистларның сорауларына Татарстан Республикасы буенча Роспотребнадзор Идарәсе җитәкчесе урынбасары Любовь Авдонина, «Республика клиник туберкулезга каршы диспансеры» ДАССУнең баш табибы Алексей Алексеев һәм «Республика туберкулезга каршы клиник диспансеры» ДАССУнең балачак буенча баш табиб урынбасары Рәмзия Фатыйхова җавап бирделәр.
2019 елда Бөтендөнья туберкулез белән көрәшү көне «Эшләргә вакыт» девизы астында уза. Бөтендөнья сәламәтлек саклау оешмасы мәгълүматларына караганда (2018 елның сентябре), 2017 елда дөньяда туберкулез белән 10 миллион кеше авырган, 1,6 миллион кеше (шул исәптән ВИЧ белән 0,3 миллион кеше) бу чирдән үлгән. Бәяләүләр буенча, 2017 елда 1 миллион бала туберкулез белән авырган һәм 230 000 бала аннан үлгән (ВИЧ-ассоциацияләнгән туберкулез белән балаларны да кертеп).
Республика туберкулезга каршы диспансерының баш табибы А. Алексеев сүзләренә караганда, 2018 елда Татарстан Республикасында туберкулез белән авыручылар саны 2017 ел белән чагыштырганда 11,6%ка кимегән, ул 100 мең кешегә 29,6 тәшкил иткән. Республикада туберкулез белән авыручылар саны Россия Федерациясе (48,3) белән чагыштырганда 30,6% ка кимрәк һәм Идел буе Федераль (47,6) округы белән чагыштырганда 29,6% ка кимрәк.
2018 елда туберкулездан үлүчеләр саны 2017 ел белән чагыштырганда 30%ка кимегән, 100 мең кешегә 2,8 тәшкил итте (2017 елда - 4,0; 2016 елда – 3,9).