Якшәмбе көнне Казанда «Аеклык бәйрәме» узды
28 апрельдә Казан шәһәренең Урицкий ис. паркында язгы «Аеклык бәйрәме» билгеләп үтелде. Бәйрәм кунаклары игътибарына кызыклы, хәрәкәтле спорт уеннары тәкъдим ителде. Барлык теләүчеләр интеллектуаль-тарихи уеннарда һәм викториналарда катнаштылар. Мәктәпкәчә яшьтәге балалар белән гаиләләр өчен актив һәм күңелле уеннар үткәрелде. Бию мәйданчыгы зонасында тере музыка астында бию, үзара аралашуга уеннар һәм команда уеннары белән яшьләр кичәсе оештырылды.
Аеклык бәйрәме Казан шәһәренең Балалар һәм яшьләр эшләре комитеты һәм Татарстан Республикасының Парклар һәм скверлар дирекциясе ярдәмендә узды.
Массакүләм чараны оештыруда «Ышаныч» Комплекслы социаль хезмәт күрсәтү үзәге, «Безнең буын» АКБО, Халыкара бәйсез аеклык ассоциациясенең (ХБАА) Казан бүлеге һәм Татарстан дәүләт сәламәтлек саклау учреждениеләре белгечләре актив катнаштылар.
Казан волонтерлары оешмалары вәкилләре бәйрәмдә катнашучыларга кызыклы, күңелле, иҗади һәм бернинди допингларсыз ял итәргә булыштылар.