Татарстанда онкология авыруларын профилактикалау буенча тематик ункөнлек башланды

Татарстан Республикасында 2019 елның 1 июленнән башлап 10 июленә кадәр онкология авыруларын профилактикалау буенча ункөнлек уза. Яман шешнең 100дән артык төре билгеле. Статистика мәгълүматларына караганда, илдә яман шеш белән авыручылар саны арта. Ел саен 480 меңнән артык яман шеш очрагы ачыклана. Соңгы ун ел эчендә бу күрсәткеч 14%ка арткан. Онкология авырулары ел саен 300 меңгә якын россияленең гомерен өзә, шул авыру аркасында 200 мең кеше беренче тапкыр инвалид булып таныла. Яман шеш авырулары – үлем очракларының төп сәбәпләренең берсе.