Бүген Бөтендөнья аллергия белән көрәшү көне билгеләп үтелә

Бөтендөнья аллергия белән көрәшү көне ел саен 8 июльдә билгеләп үтелә. Дата 2005 елда Бөтендөнья аллергия һәм иммунопатология буенча оешмасы карары белән гамәлгә куелды.

Бу көннең төп бурычы — аллергиянең төрле яшьтәге кешеләрне интектергән катлаулы авыру икәнлеген күрсәтү. Тиешле игътибарсыз ул тормыш сыйфатын шактый начарайтырга мөмкин.

Бөтендөнья аллергия белән көрәшү көне кысаларында үткәрелә торган чараларның максаты – бу авыру турында белемнәрне халык арасында тарату, профилактик һәм дәвалау-диагностика чараларының кирәклеген күрсәтү, бу проблемага хакимиятләрнең һәм сәламәтлек саклау оештыручыларының игътибарын җәлеп итү.