Казан йөзү буенча Европа беренчелеген кабул итте
Казанның Су спорт төрләре сарае беренче тапкыр яшүсмерләр арасында йөзү буенча Европа беренчелеген кабул итте, анда 42 илдән 523 спортчы беренчелекне алу өчен көрәште.
Талантлы йөзүчеләр арасында медальләр өчен көрәш түбәндәге яшь категорияләрендә узды: 15 яшьтән алып 18 яшькәчә егетләр һәм 14 яшьтән алып 17 яшькәчә кызлар.
Европа беренчелегендә катнашкан барлык яшьләр дә 2020 елда Токиядә узачак Олимпия уеннарының үз милли командаларының потенциаль әгъзалары булып торалар.
Казанда биш көн дәвамында ярышлар 50 метрлы бассейнда узды һәм үз эченә шәхси дистанцияләрне алды: ирекле стиль, аркада йөзү, брасс, баттерфляй һәм комплекслы йөзү, шулай ук ирекле стиль белән эстафеталар һәм катнаш йөзүләр.
Гадәттәгечә, турнирны медицина белән тәэмин итүне «Республика медицина профилактикасы үзәге»ДАССУнең хезмәткәрләреннән оештырылган мобиль бригада гамәлгә ашыра.
Шуны да билгеләп үтәргә кирәк, спорт-массакүләм чараны медицина белән тәэмин итү бурычы булып спортчыларның сәламәтлеген саклау, имгәнүләрне һәм авыруларны кисәтү, шулай ук ярышларда катнашучыларның югары нәтиҗәләргә ирешүе өчен иң уңай шартлар тудыру тора.