Россия Сәламәтлек саклау министрлыгы урман янгыннары төтененнән саклау буенча киңәшләр бирде
РФ Сәламәтлек саклау министрлыгы урман янгыннарыннан төтенләнгән Россия регионнарында яшәүче кешеләргә организмга зарарлы химик матдәләр керүне чикләүче профилактик чараларга аерым игътибар бирергә тәкъдим итә.
Урман янгыннары аркасында атмосфера һавасының төтенләнүе арткан очракта, кешеләр яну продуктлары белән агулануны кисәтү, йөрәк-кан тамырлары, үпкә һәм башка хроник авырулар кискенләшүен кисәтү максатыннан, организмга зарарлы химик матдәләр килүне чикләүче профилактик чараларга аерым игътибар бирергә тиешләр.
1. Иртә белән һавада озак вакыт торуны булдырмаска тырышырга (бу вакытта һавада төтеннең максималь күләме).
2. Ачык һавада мөмкин кадәр сирәгрәк булырга, бигрәк тә тәүлекнең иң эссе вакытында.
3. Әгәр дә чыгарга туры килә икән, үпкә, йөрәк, аллергия авыруларыннан интегүче кешеләргә үзләре белән кирәкле даруларны алырга кирәк һәм башкалар.