Татарстанда гөмбәләр һәм җиләкләр белән агулануны профилактикалау буенча ункөнлек уза

2019 елның 12 августы, дүшәмбе

12 августтан башлап 21 августка кадәр республиканың медицина учреждениеләрендә «Гөмбәләр һәм җиләкләр белән агулануны профилактикалау» дигән тематик ункөнлек уздырыла.

Яңгырлы көннәр башлану белән «тыныч ау» яратучыларның гөмбәләр җыю сезоны башлана. Гөмбәләр белән агулануның иң кызган чоры нәкъ менә шушы чорга туры килә. Безнең киңлектә үсә торган иң агулы гөмбәләргә чебен гөмбәсе һәм томсык гөмбәсе керәләр. Агулы гөмбәләр белән генә түгел, ә шартлы рәвештә ашарга ярый торган гөмбәләрдән дә агуланырга мөмкин (дөрес әзерләнмәгән булсалар). Шулай ук өлкән яшьтәге кешеләр һәм балалар гөмбәләр белән агулануны аеруча авыр кичерүен истә тоту да мөһим.