Татарстанда инсультны профилактикалау буенча ункөнлек уза
21–30 октябрь көннәрендә Татарстан Республикасында «Инсультны профилактикалау, Бөтендөнья инсульт белән көрәшү көненә – 29 октябрьгә» дигән тематик ункөнлек уза.
Ел саен 29 октябрьдә Бөтендөнья инсульт белән көрәш көне билгеләп үтелә. Әлеге чараны үткәрүнең максаты – баш мие инсультлары проблемасына (профилактика, үз вакытында диагностика һәм медицина ярдәме сорап мөрәҗәгать итү мәсьәләләренә) халык игътибарын җәлеп итү. Бу чаралар чикләрендә Республика медицина учреждениеләренең әйдәүче белгечләре авыруның симптомнары, профилактикасы, инсульт һәм аннан соң реабилитация вакытында кирәкле чаралар турында сөйләргә тиешләр.
Инсультның беренче билгеләре:
- көчле һәм көтелмәгән көчсезлек
- аяклары яки куллары сизү сәләтен югалту
- баш әйләнеше, баш авырту, хәрәкәтләрне координацияләүне югалту
- бит яртысының сизү сәләтен югалту.