РФ Дәүләт Думасының Сәламәтлек саклау комитеты Комлы Кавал авылындагы табиб амбулаториясендә булды

2019 елның 25 октябре, җомга

Казанга РФ ФҖ Дәүләт Думасының Сәламәтлек саклау комитеты Рәисе Дмитрий Морозов җитәкчелегендә РФ ФҖ Дәүләт Думасының Сәламәтлек саклау комитеты делегациясе килде.

Визит кысаларында кунаклар Лаеш районының Комлы Кавал авылындагы табиб амбулаториясендә булдылар. ТР сәламәтлек саклау министры Марат Садыков делегатларга «мобиль сырхауханә» күчмә комплексын тәкъдим итте. Экскурсия барышында РФ ДД депутатлары табиб амбулаториясенең эше белән таныштылар, «Бердәм кардиолог» Татарстан программасының һәм «Сәламәт мәктәп» профилактик акцияләренең тәҗрибәсен өйрәнделәр.