Казанда кыска дистанцияле суда йөзү буенча Россия - 2019 чемпионаты дәвам итә

2019 елның 8 ноябре, җомга

5 ноябрьдә Казанның Су спорт төрләре сараенда 25 метрлы бассейнда йөзү буенча Россия чемпионаты 2019 старт алды, анда Россия Федерациясенең 66 регионыннан 800дән артык спортчы катнаша. Турнир 4-8 декабрьдә Глазгода (Бөекбритания) узачак Кыска дистанцияле суда йөзү буенча Европа чемпионатында катнашу өчен сайлап алу ярышы булып тора.

Гадәттәгечә, турнирны медицина белән тәэмин итүне «Республика медицина профилактикасы үзәге»ДАССУнең хезмәткәрләреннән формалашкан мобиль бригада башкара.

Спорт-массакүләм чараны медицина ягыннан тәэмин итү бурычы – спортчыларның сәламәтлеген саклау, имгәнүләрне һәм авыруларны кисәтү, шулай ук ярышларда катнашучылар тарафыннан югары нәтиҗәләргә ирешү өчен иң уңай шартлар тудыру.