Казан педагогларына мәгариф һәм сәламәтлек бәйлелеге турында сөйләделәр
Республика медицина профилактикасы үзәгенең гигиена тәрбиясе һәм сәламәт яшәү рәвеше бүлеге Казан шәһәренең Совет районы мәктәпләренең тәрбия эше буенча директор урынбасарлары өчен мәгариф һәм сәламәтлек турында семинар-киңәшмә оештырды. Педагоглар алдында РМПҮ гигиена тәрбиясе буенча табиб, район педиатры, психиатр-нарколог, дерматовенеролог һәм психотерапевт чыгыш ясадылар.
Семинар барышында наркоманияне, тәмәке тартуны һәм алкоголизмны профилактикалау мәсьәләләре турында фикер алыштылар. Мәктәп укучылары арасында «снюсларның» – тәмәке катнашмаларының таралуын кисәтүгә аерым игътибар бирелде. Табиблар йогышлы, тире авыруларын, җенси юл белән бирелә торган йогышларны, ВИЧ-йогышны һәм СПИДны профилактикалау турында сөйләделәр, кызамыкны, гриппны вакцинопрофилактикалауга басым ясадылар.