РМПҮдә медицина хезмәткәрләре өчен семинар узды
Республика медицина профилактикасы үзәгендә Татарстан башкаласының сәламәтлек саклау учреждениеләрендә профилактика эшен оештыру өчен җаваплы медицина хезмәткәрләре өчен белем бирү-методик семинар һәм лекторий узды.
Семинар программасында агымдагы елның 2 декабреннән алып 11 декабренә кадәр булачак алкоголь һәм аның суррогатлары белән агулануны профилактикалау буенча булачак тематик ункөнлек, Бөтендөнья СПИДка каршы көрәш көне (1 декабрьдә) һәм яшүсмерләрдә никотин бәйлелеген кисәтү темалары буенча фикер алыштылар.
ТР Сәламәтлек саклау министрлыгының баш балалар психиатр-наркологы, «Республика наркология диспансеры» ДАССУнең балалар наркологиясе буенча баш табиб урынбасары Степан Криницкий яшүсмерләр арасында тәмәке һәм «снюслар» куллануның артуы, яшь организмның сәламәтлегенә начар йогынты ясавы һәм шушы тискәре күренешкә каршы көрәштә медицина җәмәгатьчелегенең роле турында сөйләде.