«Россия йөр!» федераль проекты гамәлдә

Татарстанда Республика медицина профилактикасы үзәге «Россия йөр!» федераль проекты кысаларында чаралар уздырды. Ул халыкка физик активлыкның файдасы турында сөйләргә һәм сәламәт яшәү рәвеше алып бару буенча кирәкле күнекмәләр булдырырга тиеш.

Проектның иң зур чараларының берсе –Төньяк (скандинавия) йөреше алымы белән хәрәкәт активлыгын популярлаштыру. Сәламәтләндерү физик культурасының бу төре белән таныштыру өчен КДМАның неврология кафедрасы һәм 7нче номерлы Шәһәр сырхауханәсенең белгечләре белән берлектә Республика медицина профилактикасы үзәгенең белгечләре Казан шәһәре предприятиеләренең һәм оешмаларының («Казан вертолет заводы» ҖАҖ, «Казаноргсинтез» ААҖ, «Электроприбор «Казан заводы» ААҖ, «Казан дәүләт казна дары заводы» ФКП, «Метроэлектротранс» МУП, «Таттелеком» ГАҖ ББПО, «Татарстанпочтасы» ФПЭИ) физик культура өчен җаваплы профкомнар һәм цехкомнар рәисләре өчен укыту дәресләре үткәрделәр.