«Сәламәтлек ачкычлары» Республика конкурсына йомгак ясалды

2019 елның 11 декабре, чәршәмбе

«Сәламәтлек ачкычлары» Республика конкурсы Татарстан Республикасының урта махсус һәм югары уку йортлары арасында сәламәт яшәү рәвеше стереотипларын формалаштыруда иң яхшы тәҗрибәләрне ачыклау һәм популярлаштыру максатларында үткәрелде. Конкурс укучыларны профилактик чараларда актив катнашырга җәлеп итүгә юнәлдерелгән.

Конкурс эшләрен кабул итү агымдагы елның 3 сентябреннән башлап 14 ноябренә кадәр дәвам итте. Конкурс чорында оештыру комитеты 26 гариза кабул итте, шул исәптән 8 гариза – югары уку йортларыннан һәм 18 гариза – республиканың урта махсус уку йортларыннан.