Татарстанда кышкы чорда травматизмны профилактикалау буенча 9-нчы 18 гыйнварга кадәр ункөнлек башланды
9 гыйнвардан башлап 18 гыйнварга кадәр республиканың медицина учреждениеләрендә кышкы чорда травматизмны профилактикалау буенча тематик ункөнлек үткәрелә.
Статистика буенча, кышын имгәнүләрнең төп сәбәбе – ашыгу. Күпләр кар белән капланган бозны сизми, нәтиҗәдә егыла һәм төрле тән җәрәхәтләре ала. Моннан тыш, травмаларның күп өлеше җәмәгать транспорты белән бәйле, автобуска яки троллейбуска кергәндә дә, аннан чыкканда да егылалар.
Иң киң таралган кышкы имгәнүләр – аяк-кулларның сынулары һәм имгәнүләре, егылгач, кеше инстинктив рәвештә алга кулын куеп, тәннең бөтен авырлыгы белән аңа ишелеп төшүе аркасында килеп чыга. Аналогик рәвештә җайсыз куелган аяк балтыр өлкәсендә сына. Хатын-кызларда биек үкчәле аяк киеме кию имгәнүләргә китерә. Өлкән кешеләр, скелетның яшь үзенчәлекләре аркасында (мускул каркасының аз эластиклыгы,) еш кына бик җитди зыян күрәләр.