Татарстанда махсус санитар-эпидемиологик режим кертелде
Татарстан Республикасы Президенты Рөстәм Миңнеханов йөкләмәсе буенча коронавирус таралуга каршы көрәш буенча республика штабы тарафыннан 15 апрельгә кадәр Махсус санитар – эпидемиологик режим кертү турында Карар кабул ителде.
Ул күп кеше катнашында чаралар үткәргәндә кайбер чикләүләрне үз эченә ала:
1.Халыкара спорт чаралары тагын да яхшырак санитар-эпидемиологик хәлгә күчерелгән;
2.Спорт матчлары (даими уеннар) тамашачылар катнашыннан башка үткәреләчәк;
3.Мәдәни чаралар соңрак вакытка күчерелгән. Планлаштырылган гастроль концертлары бары тик оештыручылар кешеләрнең иминлеген тәэмин итү өчен таләпләрнең бөтен исемлеген төгәл үтәячәк һәм шәхсән тамашачылар сәламәтлеге өчен тулы җаваплылык хис итәчәк очракта гына мөмкин.
Татарстан Республикасы Президенты дәүләт хакимияте органнары вәкилләренең барлык чит ил командировкаларын гамәлдән чыгарырга дигән карар кабул итте. Шундый ук киңәш республика предприятиеләре җитәкчеләренә, барлык эш бирүчеләргә җиткерелде.
Командировкага киткән очракта, аны 14 көнгә карантинга кертү күздә тотыла. Моңа мисал итеп, Германиядән эшче командировкадан кайткан һәм хәзер үз карантинында булган Татарстан Республикасы экология министры Александр Шадриков.
Барлык республика халкын илдән читкә чыгудан тыелырга чакырабыз. Әти-әниләрнең игътибарын аеруча зурлыйбыз. Алда торган язгы каникуллар уңаеннан, балаларның сәламәтлеге өчен, чит илләрдән чыгулардан баш тартырга киңәш итәбез.
Короновирус очраклары теркәлгән территорияләрдән кайтучыларга Роспотребнадзор хезмәткәрләренә урыны, тору һәм кайту даталары, шулай ук элемтә өчен мәгълүмат бирергә кирәк. Моның өчен республикада тәүлек буе эшли торган кайнар линия булдырылган: +7(843) 296-02-24. Ә авыру симптомнары (температура, күкрәк һәм баш авырту) килеп чыккан очракта, мәҗбүри рәвештә табибка консультация сорап мөрәҗәгать итәргә кирәк.