Гриппны профилактикалау турында

2019 елның 10 декабре, сишәмбе

Грипп иң киң таралган йогышлы авыруларның берсе булып тора, кискен респиратор вирус йогышлары төркеменә керә. Грипп вируслары әлеге авыруны китереп чыгара, хәзерге вакытта алар 2000 төрдән артык булып исәпләнә. Бу вируслар, кагыйдә буларак, көзге-кышкы чорга туры килә торган эпидемияләр рәвешендә таралырга мөмкин. Грипп вирусына төрле яшь категориясендәге кешеләр дучар була, ләкин бу авыру өлкән яшьтәге кешеләр, балалар, йөкле хатын-кызлар, шулай ук үпкә һәм йөрәк авыруларыннан интегүче кешеләр өчен аеруча куркыныч тудыра.